கல்வி பொதுத்தராதர உயர்தரப் பரீட்சை இன்று ஆரம்பம்!

கல்வி பொதுத்தராதர உயர்தரப் பரீட்சை நாடாளாவியரீதியில் இன்று வியாழக்கிழமை (04) ஆரம்பமாகவுள்ளது. இம்முறை கல்விப் பொதுத்தராதர உயர்தரப் பரீட்சைக்...

கல்வி பொதுத்தராதர உயர்தரப் பரீட்சை நாடாளாவியரீதியில் இன்று வியாழக்கிழமை (04) ஆரம்பமாகவுள்ளது.

இம்முறை கல்விப் பொதுத்தராதர உயர்தரப் பரீட்சைக்கு 346,976 பரீட்சார்த்திகள் தோற்றவுள்ளனர்.

இவர்களில் 281,445 பேர் பாடசாலை மாணவர்கள் என்பதுடன், 65531 பேர் தனிப்பட்ட பரீட்சார்த்திகள் என தெரிவிக்கப்பட்டுள்ளது.

இம்முறை நாடளாவிய ரீதியில் 2,258 பரீட்சை மத்திய நிலையங்கள் நிறுவப்பட்டுள்ளன.

பரீட்சை அனுமதி அட்டைகள் இதுவரை கிடைக்கப்பெறாத பரீட்சார்த்திகள், பரீட்சைகள் திணைக்களத்தின் உத்தியோகபூர்வ இணையத்தளத்தினூடாக அதனை தரவிறக்கம் செய்ய முடியுமென திணைக்களம் தெரிவித்துள்ளது.

இதனிடையே, இம்முறை உயர்தரப் பரீட்சைக்காக முதல் முறையாக கொரிய மொழி பரீட்சை அறிமுகப்படுத்தப்பட்டுள்ளது.

வெள்ளத்தில் பாதிக்கப்பட்ட இடங்களுக்கு மாற்று ஏற்பாடுகள் செய்யப்பட்டுள்ளதாக பரீட்சை திணைக்கள தகவல்கள் தெரிவிக்கின்றன.